प्राकृतिक स्रोत द्वन्द्व रूपान्तरण केन्द्रको दोलखा सल्लाहाकार समितिको बैठक सम्पन्न

अगेनो न्यूज ःमंसिर ११- प्राकृतिक स्रोत द्वन्द्व रूपान्तरण केन्द्र नेपालले अपनाएको आर्थिक  मितव्ययिता अरु गैरसरकारी संघ संस्थाहरुले पनि अपनाउनु पर्ने दोलखाका सरोकारवालाहरुले बताउनु भएको छ । केन्द्र नेपालको दोलखाको जिल्ला स्तरीय सल्लाहाकार समितिको बैठकमा सहभागीहरुले संस्थाले कार्यक्रम गदाँ अपनाएको सुशासन र पारादशीता अरु गैरसकारी संघ संस्थाले पनि अपनाउनु पर्ने बताउनु भएको हो । कार्यक्रममा मेलुङ गाउँपालिकाका अध्यक्ष हिराकुमार तमाङले सस्थाले काम गर्दा अपनाएको पारदर्शीता अरु गैरसरकारी संघ संस्थाले पनि अपनाउनु पर्ने बताउनुभयो । जिल्ला समन्वय समिति दोलखाका प्रमुख बर्जुराम घतानीको अध्यक्षतामा भएको बैठकमा प्राकृतिक स्रोत द्वन्द्व रूपान्तरण केन्द्र नेपालका क्षेत्रीय संयोजक रिता मानन्धरले कार्यक्रमको प्रगति र आगामी योजनाबारे जानकारी गराउनु भएको थियो । जिल्लामा हालसम्म विभिन्न चरणमा २१वटा बहुसरोकारवाला विवादहरु रुपान्तरण भएको मानन्धरले बताउनुभयो । उहाँका अनुसार जिल्लामा कार्यक्रम सञ्चालन भएदेखी हाल सम्म जलसँग सम्वन्धीत ३ वटा र १८ वटा जङगलसँग सम्वन्धीत विवादहरु रुपान्तण गरिएको छ । जिल्लामा एक वर्षको अवधिमा मात्रै ६ वटा विवादहरुमा काम गरिएकोमा २ वटा विवादहरु रुपान्तरण गरिएको छ । जिल्लामा एक वर्षको अवधिमा १ लाख ४२ हजार ३ सय ९५ रुपैयाँ खर्च भएको छ । प्राकृतिक स्रोत द्वन्द्व रुपान्तरण केन्द्र नेपालले जिल्लामा बहुसरोकारवाला विवादमा काम गरिरहेको छ । संस्थाले माकुरा समूह मार्फत विवाद रुपान्तरण गदै आएको छ । संस्थाले जिल्लाको भीमेश्वर नगरपालिका सहित,मेलुङ गाउँपालिका,शैलुङ,कालिञ्चोक,विगु र गौरीशंकर गाउँपालिकामा भएका बहुसरोकारवाला जल,जमीन र जङगलसँग सम्वन्धीत विवादहरुमा काम गदै आएको छ । बैठकमा जिल्लाको भीमेश्वर नगरपालिकाका उपामेयर कमला बस्नेत, मेलुङ गाउँपालिका अध्यक्ष हिराकुमार तमाङ,शैलुङका अध्यक्ष रिमाल बाबु श्रेष्ठ,शैलुङका उपाध्यक्ष पार्वती कार्की,मेलुङका उपाध्यक्ष गायत्री आर्चाय,डिभिजन वन कार्यालय दोलखाका प्रमुख अनिल रेग्मी,जिल्ला समन्य अधिकारी रामप्रसाद पोखरेल,सामुदायिक वनउपभोक्ता महासंघ दोलखाका अध्यक्ष जगनाथ बस्नेत लगायतका सरोकारवालाहरुको सहभागीता रहेको थियो ।