दोलखामा राष्ट्रिय परिचय पत्र र राहदानीको फारम निःशुल्क भर्न पाएसँगै सेवाग्राही उत्साहित

अगेनो न्यूज ःमंसिर ६-जिल्ला प्रशासन कार्यालय दोलखाले राष्ट्रिय परिचय पत्र र राहदानीको फारम निःशुल्क भरिदिन सुरु गरेपछि सेवा ग्राहीहरुलाई सहर्ज भएको पाईएको छ । नागरिकता प्रशासन कार्यालयबाट लिएपछि राष्ट्रिय परिचय पत्र र राहदानीको फारम भर्नाका लागि बजारमा रहेका लेखापढी फामहरुमा आउनु पर्ने,फारम भरेबापत चर्कोे शुल्क तिनुपर्ने बाध्य थियो। तर एउटै कार्यालयबाट सहज रुपमा निःशुल्क सेवा पाउँदा आर्थिकसँगै समयको पनि बचत हुने गरेको सेवाग्राहीहरुको भनाई रहेको छ । गत वर्षको फागुन महिनाबाट प्रशासन कार्यालय दोलखाले कार्यालय परिसरबाट नै निःशुल्क रााष्ट्रिय परिचय पत्र र राहदानीको फारम भरिदिन सुरु गरेपछि आफुले एकै ठाउँमा सहर्ज रुपमा सेवा पाएको सेवाग्राहि तेज बहादुर थापाले बताउनुभयो ।

जिल्ला प्रशासन कार्यालय परिसरमा नै राष्ट्रिय परिचयपत्र र राहदानीको अनलाइन फारम भर्नका लागि जिल्लाका ९ वटा स्थानीय तहहरुको सहयोगमा एक जना कर्मचारी,कम्प्युटर र प्रिन्टरको व्यवस्था गरिएको छ । तर प्रचार प्रसार कम हुदाँ नागरिकहरुलाई निःशुल्क फारम भरि रहेको बारेमा जानकारी नभएका कारण आफुले बाहिरबाटनै फारम भरेर आएको अर्को सेवाग्राही तारा थामीले बताउनुभयो ।

सेवाग्राहीले राहदानी र राष्ट्रिय लिनु पूर्व अनलाइन फाराम अनिवार्य भर्नुपर्ने बाध्यकारी नियम भएकाले उक्त फाराम भर्दा व्यवसायीहरूले सेवाग्राहीसँग मनलाग्दी रूपमा चर्को शुल्क लिँदै आएका थिए। बढी शुल्क लिएको भन्ने जनगुनासो बढ्दै गएपछि जिल्ला प्रशासन कार्यालय दोलखाले  कार्यालयमा अनलाइन फाराम भरिदिने व्यवस्था मिलाएको जिल्ला प्रशासन कार्यालय दोलखाका सहयाक प्रमुख जिल्ला अधिकारी एंव सुचना अधिकारी औैलख बहादुर आलेले जानकारी दिनुभयो ।

यसअघि कार्यालयमा राहदानी र राष्ट्रिय परिचयत्र लिन जाने सेवाग्राहीले बाहिर बजारमा रहेका कम्प्युटर इन्ष्टिच्चुटवाट राहदानी अनलाइन फाराम भरेर मात्रै सिफारिस लिन जिल्ला प्रशासन कार्यालय जाने बाध्य थिए । दैनिक एक सय जना भन्दा वढि सेवाग्राहीले सेवा लिने गरेको प्रशासन कार्यालय दोलखाले जनाएको छ । यसलाई अझै प्रभावकारी बनाउनका लागि जिल्ला प्रशासन कार्यालय दोलखा सहित स्थानीयहरु तहहरुले समेत प्रचारप्रसारमा विशेष ध्यान दिनु रहेको सेवाग्राहीहरुले बताउनुभएको छ ।