जेनजी आन्दोलनमा भएका वितण्डालाई भविष्यमा दोहोरिन नदिन सबै सुध्रिनुपर्छ ः मुख्यमन्त्री बानियाँ

अगेनो न्यूज ःकात्तिक २७- बागमती प्रदेशका मुख्यमन्त्री इन्द्रबहादुर बानियाँले जनतालाई न्याय,शान्ति र विकासको अनुभूति हुने गरी काम गर्ने प्रतिबद्धता व्यक्त गर्नुभएको छ । आजबाट दोलखाको सदरमुकाम चरिकोटमा सुरु भएको अन्तरपालिका स्तरीय असल अभ्यास आदान–प्रदान कार्यक्रमको उद्घाटन गर्नुहुदैँ मुख्यमन्त्री बानियाँले जनतालाई न्याय,शान्ति र विकास दिन आफू र आफ्नो मन्त्रिमण्डल पहिलो प्राथमिकता रहेको स्पष्ट पर्नुभएको छ । राजनीति सेवा र धर्म हो,राजनीति व्यापार हैन,व्यापारमा नाफा नोक्सान हुन्छ, तर, राजनीतिमा न्याय हुन्छ, हामीले जनतालाई न्याय दिन, शान्ति दिन विकास दिनका लागि राजनीति गरेको मुख्यमन्त्री बानियाँले भन्नुभयो ।उहाँले अहिले जेनजी आन्दोलनका क्रममा भएको वितण्डालाई भविष्यमा दोहोरिन नदिन  वडादेखि केन्द्रसम्म रहेका सबै  सुध्रिनुपर्ने पर्ने बताउनु । उहाँले जनताले पठाएका प्रतिनिधि ठिक ढंगले चल्न सके कोही पनि डराउनु नपर्ने धारणा राख्नुभएको थियो । मुख्यमन्त्री बानियाँले संकटमा लोकतन्त्रवादीहरू एकै ठाउँमा उभिनुपर्ने समेत भन्नुहुदैँ बानियाँले स्थानीय पालिकाहरुलाई उत्तरदायी,जिम्मेवार, पारदर्शी र जवाफदेही भएर  सक्रिय रहने समेत अनुरोध गर्नुभएको छ । भीमेश्वर नगरपालिकाको आयोजना ,अस्ट्रेलियन सरकार र द एशिया फाउण्डेशनको सहयोगमा भएको कार्यक्रमको बागमती प्रदेशका मुख्यमन्त्री इन्द्रबहादुर बानियाँले उद्घाटन गनुभएको थियो । भीमेश्वर नगरपालिका मेयर ईश्वर नारायाण मानन्धरको अध्यक्षतामा भएको कार्यक्रममा नगरपालिकाका उपप्रमुख कमला बस्नेतले भीमेश्वर नगरपालिकाले गरेको कामको बारेमा जानकारी गराउनुभएको थियो । कार्यक्रममा राष्ट्रिय सभाका सदस्य घनश्याम रिजाल,बाग्मती प्रदेश सरकारका वन तथा वातावरण मन्त्री भरत बहादुर केसी,प्राकृतिक श्रोत तथा बित्त आयोगका कार्यबाहक अध्यक्ष जुद्ध बहादुर गुरुङ,जिल्ला समन्वय समिति दोलखाका प्रमुख वर्जुराम घतानी,नेपाल नगरपालिका संघका अध्यक्ष भिमप्रसाद ढुङगाना,गाउँपालिका राष्ट्रिय महासंघका अध्यक्ष लक्ष्मी पाण्डे,जनकपुर उपमहानगरका प्रमुख मनोज शाह, वीरेन्द्र नगरपालिका प्रमुख मोहनमाया ढकाल, डेभलपमेन्ट प्लानका प्रमुख डाईनजोन्स वर्मा,प्रमुख जिल्ला अधिकारी नारायणप्रसाद रिसाल,नेपाल पत्रकार महासंघ दोलखाका अध्यक्ष प्रभु जिरेल  लगायतले मन्तव्य व्यक्त गर्नुभएको थियो। कार्यक्रममा दोलखाका ९ वटा पालिकाका प्रमुख तथा उपप्रमुख सहित कोसी प्रदेशको दमक नगरपालिका,मधेशको मिथिला नगरपालिका,गण्डकीको वालिङ नगरपालिका रगल्याङ नगरपालिका,लुम्बीनीको तानसेन नगरपालिका,कणालीको विरेन्द्र नगरपालिका र सुदुरपश्चिम प्रदेशको टिकापुर नगरपालिका र भजनी नगरपालिकाका प्रमुख तथा उपप्रमुख,प्रमुख प्रशासकीय अधिकृत लगायतको सहभागीता रहेको छ । भोली सम्म सञ्चालन हुने कार्यक्रममा  जिल्लाका स्थानीय तहहरुले गरेको उत्कृष्ट कार्यहरुको बारेमा जानकारी गराईने र स्थलगत अवलोक समेत गराईने भीमेश्वर नगरपालिकाले जनाएको छ ।