अन्तरपालिका स्तरीय असल अभ्यास आदान–प्रदान कार्यक्रम चरिकोटमा आजबाट सुरु हुने

अगेनो न्यूज ःकात्तिक २७-दोलखाको सदरमुकाम चरिकोटमा अन्तरपालिका स्तरीय असल अभ्यास आदान–प्रदान कार्यक्रम आजबाट हुने भएको छ । भीमेश्वर नगरपालिकाको आयोजना तथा अस्ट्रेलियन सरकार र द एशिया फाउण्डेशनको सहयोगमा “स्थानीय सरकार सशक्तीकरण कार्यक्रम अन्तर्गत आज र भोली अन्तरपालिका स्तरीय असल अभ्यास आदान–प्रदान कार्यक्रम हुने भीमेश्वर नगरपालिकाका मेयर ईश्वरनारायण मानन्धरले बताउनु भयो । कार्यक्रममा दोलखाका ९ वटा पालिकाका प्रमुख तथा उपप्रमुख सहित कोसी प्रदेशको दमक नगरपालिका, मधेशको मिथिला नगरपालिका,गण्डकीको वालिङ नगरपालिका र गल्याङ नगरपालिका, लुम्बीनीको तानसेन नगरपालिका, कणालीको विरेन्द्र नगरपालिका र सुदुरपश्चिम प्रदेशको टोकापुर नगरपालिका र भजनी नगरपालिकाका प्रमुख तथा उपप्रमुख,प्रमुख प्रशासकीय अधिकृतको सहभागीता हुने भीमेश्वर नगरपालिकाले जनाएको छ । उक्त कार्यक्रमको उद्घाटन बागमती प्रदेशका मुख्यमन्त्री इन्द्रबहादुर बानियाँले गर्नुहुने जनाईएको छ । कार्यक्रमले नीति, योजना, सेवा प्रवाह,स्रोत व्यवस्थापन र सुशासनका असल अभ्यास आदान–प्रदानमा योगदान पु¥याउने अपेक्षा गरिएको भीमेश्वर नगरपालिकाले जनाएको छ । कार्यक्रमा जिल्लाका स्थानीय तहहरुले गरेको उत्कृष्ट कार्यहरुको बारेमा जानकारी गराईने र स्थलगत अवलोक समेत गराईने नगरपालिकाले जनाएको छ ।