- by agenonews
- Jun 19, 2025
अगेनो न्यूज ःमंसिर ३-एक सातादेखी वेपत्ता हुनुभएको दोलखाको जिरी नगरपालिका वडा नम्वर ८का एक वृद्धा मृत फेला पर्नुभएको जिल्ला प्रहरी कार्यालय दोलखाले जनाएको छ । जिल्लाको जिरी नगरपालिका वडा नम्वर ८ होसिंगाका ८२वर्षीया रेवती खत्री मृत फेला पर्नु भएको हो । उहाँको आज दिउँसो वैतेश्वर गाउँपालिका वडा नम्वर ३ खोल्मे नजिकैको खोलामा शव भेटिएको जिल्ला प्रहरी कार्याललय दोलखाका प्रहरी निरिक्षक श्रीराम तिमल्सिनाले जानकारी दिनुभयो । उहाँका अनुसार खत्री गत कात्तिक २६ गते वैतेश्वर गाउँपालिका वडा नम्वर ३ माईती जान हिँडे भएको थियो । खत्री हालसम्म माईती नपुगेपछि खोजी गर्ने क्रममा माईतीघर नजिकैको खोलामा मृत भेटिनु भएको हो ।