चरिकोटमा रहेको पशुहरुको रगत परिक्षण प्रयोगशाला प्रयोग विहिन

अगेनो न्यूज ःमंसिर २ - दोलखाको सदरमुकाम चरिकोटमा सञ्चालन रहेको पशुहरुको रगत परिक्षण प्रयोगशालामा रगत परिक्षण नहुने भन्दै कृषकहरुलाई कर्मचारीहरुले फर्काउने गरेको पाईएको छ । जिल्लाको भीमेश्वर नगरपालिका कृष्ण बहादुर बस्नेतले आफनो कुकुरको रगत परिक्षण गर्नका लागि कार्यालयमा लैजादाँ परिक्षण नहुने भन्दै कार्यालयका कर्मचारीहरुले फकाएका हुन् । गत आईतबार कार्यालयमा कुकुरको रगत परिक्षणका लागि आफु गएको भएपनि रगत परिक्षण नहुने भन्दै कर्मचारीले परिक्षण नै नगरी फर्काएको बस्नेतले बताउनुभयो । उहाँँले भन्नु कार्यालयमा कार्यालय प्रमुख पनि भेटिनु भएन र रगत पनि परिक्षण नगरी फकाईयो । बस्नेतले भन्नु भयो रगत परिक्षण नभएका कारण कुकुरलाई थप उपचार गर्न पाईएन । त्यसैले कुकुर पनि म¥यो । जिल्लामा पशुपालन  व्यवसाय राम्रो भएको भएपनि लाखौ रुपैयाँ लगानीमा खरिद गरिएका प्रयोगशाला प्रयोगमा नआउदाँ कृषकहरुले ठुलो क्षति बेहोर्नु परेको बस्नेतको भनाई रहेको छ ।करिब दुई वर्ष अघिबाट जिल्ला पशुसेवा कार्यालयमा सञ्चालनमा रहेको प्रयोगशाला गत साउन महिना देखी प्रयोग विहीन पाईएको छ । जिल्लाका पशुहरुको रगत परीक्षणका लागि सञ्चालन गरिएको प्रयोगशाला चालु आर्थिक २०८२÷०८३को गत साउन महिनादेखी हाल सम्म प्रयोगमा नआएको पशुसेवा कार्यालय दोलखाका सुचना अधिकारी प्रकाश थापाले जानकारी दिनुभयो । उहाँका अनुसार जिल्लाका कृषकहरुबाट पशुहरुको रगतको नमुना नआएको र प्राविधिकहरु नभएका कारण प्रयोगशाला प्रयोग विहिन भएको होे । तर कृषकहरुले भने प्रयोगशाला  ल्याएदेखी नै प्रयोगमा नआएकोे गुनासो गर्नु भएको छ । प्रयोगशालाबाट बायोकेमिकल र हेमाटोलोजीको परिक्षण गर्ने गरिएको कार्यालयले दावि गरेको छ ।