दोलखाको भीमसेन मन्दिर गुठी व्यवस्थापन समितिलाई आर्थिक सहयोग प्राप्त

अगेनो न्यूज ःमंसिर १ -दोलखाको भीमसेन मन्दिर गुठी व्यवस्थापन समितिलाई आर्थिक सहयोग प्राप्त भएको छ । जिल्लाको भीमेश्वर नगरपालिका वडा नम्वर २ मा रहेको गुठी व्यवस्थापन समितिलाई ५१ हजार रुपैयाँ रकम प्राप्त भएको भीमसेन मन्दिरको गुठी व्यवस्थापन समितिका सचिव राजेन्द्रनारायण श्रेष्ठले जानकारी दिनुभयो । उहाँका अनुसार दोलखाको बिगु गाउँपालिकाको साँगु खोला जलविद्युत आयोजनाको निरिक्षणको क्रममा सिटिजन्स बैंक ईन्टरनेसनल लिमिटेडको तर्फबाट उक्त रकम प्रदान गरिएको हो । रकम हस्तान्तरण कार्यक्रममा रकम बंैकका प्रमुख कार्यकारी अधिकृत गणेशराज पोखरेल,बैंकका नायब प्रमुख कार्यकारी अधिकृत राजेन्द्रलाल श्रेष्ठ,प्रमुख ईन्फास्ट्रक्चर र कन्सोर्टियम र कर्पोरेट बैंकिङ्क अफिसर  रोशन मल्ल र हिमपर्वत हाइड्रोपावर लिमिटेडका अध्यक्ष हिमाल गुरुङको सहभागीता रहेको छ । उक्त रकम हाइड्रोपावर अध्यक्ष गुरुङको पहलमा प्राप्त  भएको भीमसेन मन्दिर गुठी व्यवस्थापन समिति दोलखाले जनाएको छ ।