दोलखामा जेनजी आन्दोलनका घाईते अझै आएनन परिचयपत्र लिन

अगेनो न्यूज ःमंसिर २ -जेनजी आन्दोलनका घाईतेहरुलाई जिल्ला प्रशासन कार्यालय दोलखाले परिचयपत्र लिन आउन आव्हान गरेको एक महिना वितिसक्दा पनि हाल सम्म एक जनाले पनि परिचय पत्र नलिएको कार्यालयले जनाएको छ । जिल्ला प्रशासन कार्यालय दोेलखाले गत असोज ३० गते घाईतेहरुको सूचीसहित जिल्लाका पालिकाहरुलाई पत्राचार गरेर आवश्यक कागजात सहित कार्यालयमा सम्पर्क गराईदिन अनुरोध गरेको भएपनि हाल सम्म कोहि घाईते पनि जिल्ला प्रशानसन कार्यालय दोलखामा नै आएर परिचयपत्र नलिएको जिल्ला प्रशासन कार्यालय दोलखाका नायब सुब्बा हरिराम न्यौपानेले बताउनुभयो । उहाँका अनुसार आन्दोलनका घाईतेहरुलाई परिचयपत्र दिने र तत्काल भैपरी खर्च बापत २० हजार रुपैयाँ रकम दिने सरकारको निर्णय अनुसार परिचय पत्र बनाएर सहयोग लिन प्रशासनले अनुरोध गरेको छ । काठमाण्डौँबाट एक जनाले परिचयपत्र लिएको जानकारी भएपनि कार्यालयलाई आधिकारी जानकारी नआएको न्यौपानले बताउनुभयो । उहाँका अनुसार गत भदौ २३ र २४ गते भएको जेनजी आन्दोलनमा १३ जना घाईते हुनुभएको वितरण प्राप्त भएको छ । जेनजी आन्दोलनमा दोलखाका तीन जनाको मुत्यु भएको थियो ।