दोलखाको कालिन्चोक दर्शनको सेयर बोनस घोषणा

अगेनो न्यूज ःमंसिर ११- दोलखाको कालिन्चोक दर्शन लिमिटेडले सेयरधनीका लागि लाभांश घोषणा गरेको छ । कम्पनीको सञ्चालक समिति बैठकले गत आर्थिक वर्षको सञ्चित नाफाबाट सेयरधनीलाई ५ प्रतिशत बोनस सेयर र सोको कर प्रयोजनका लागि ०.२६.३२ प्रतिशत नगद लाभांश घोषणा गरेको हो । कम्पनीले कुल ३ करोड १५ लाख रुपैयाँ बराबर लाभांश प्रदान गरिने जनाएको छ । हाल कम्पनीको चुक्ता पूँजी ६० करोड रुपैयाँ छ । घोषित लाभांश आगामी साधारणसभाबाट स्वीकृत भएपश्चात प्रदान गरिने कम्पनीले जनाएको छ । हाल यस कम्पनीको सेयर मूल्य प्रतिकित्ता ९ सय१० रुपैयाँ हाराहारीमा छ ।