दोलखाको वैतेश्वरमा राष्ट्रपति रनिङ शिल्ड प्रतियोगिताका लागि दुई दिन विद्यालय बन्द

अगेनो न्यूज ःमंसिर १०- दोलखाको बैतेश्वर गाउँपालिकामा रहेका पालिका भित्रका सामुदायिक विद्यालयहरु मंसिर ११ र १२ गते दुई वन्द हुने भएका छन् ।यहि मंसिर ११ गतेदेखि १३ गते सम्म  हुने पालिका स्तरीय राष्ट्रपति रनिङ शिल्ड प्रतियोगिता–२०८२ सञ्चालनका लागि  पालिकाले विद्यालयहरुलाई बिदा दिनेनिर्णय भएको गाउँपालिकाका प्रमुख प्रशासकीय अधिकृत महेश पौडेलले जानकारी दिनुभयो । उहाँका अनुसार राष्ट्रपति रनिङ शिल्ड प्रतियोगिता विद्यालय तथा विद्यार्थीहरुले उत्सव रुपमा मनाउने र खेलकुदमा सहभागी हुने भएकोले विद्यालयहरुलाई बिदा दिईएको हो ।

पालिकास्तरीय राष्ट्रपति रनिङ शिल्ड प्रतियोगिता मंसिर ११ गतेदेखि १३ गतेसम्म कालिढुङ्गा माध्यामिक विद्यालय वैतेश्वर वडा नम्वर ३ मुलगौँडामा सञ्चालन हुने पालिकाले जनाएको छ । मंसिर १३ गते शनिबार परेकोले ११ र १२ गते मात्र पालिकाले बिदा दिएको हो ।