दोलखामा निर्वाचित महिला वडा सदस्य र महिला कार्यपालिका सदस्यका लागि विशेषज्ञ परामर्श कार्यक्रम आयोजना

अगेनो न्यूज ःमंसिर ११- दोलखाको भीमेश्वर नगरपालिकाका निर्वाचित  महिला वडा सदस्य र महिला कार्यपालिका सदस्यहरुका लागि एक दिने विशेषज्ञ परामर्श कार्यक्रममा सदरमुकाम चरिकोटमा सम्पन्न भएको छ । स्थानीय सरकार सवलीकरण परियोजना अन्तरगत दलित महिला केन्द्र नेपालको आयोज र द एसिया फाउन्डेसनकोप्राविधिक सहयोगमा र भीमेश्वर नगरपालिकाको समनवयमा भएको कार्यक्रममा भीमेश्वर नगरपालिका भित्रका निर्वाचित वडा सदस्य र महिला कार्यपालिका सदस्यहरुको सहभागीता रहेको हुनुभएको थियो । सहभागीहरुलाई भीमेश्वर नगरपालिका योजना शाखाका शान्ति नेपालले योजना छनोटको प्रक्रियामा वडा सदस्य र कार्यपालिका सदस्यको भुमीका,योजनाको प्राथामीकीकरण,योजना अनुगमन लगायतको बारेमा जानकारी गराउनुभएको थियो । दलित महिला केन्द्रले जिल्लाको भीमेश्वर नगरपालिकामा निर्वाचित महिला सदस्यहरुको क्षमता अभिबृद्धिका लागि नियमित मेन्टरसिप कार्यक्रम सञ्चालन गरिरहेको छ ।