दोलखाका दुई पालिकामा २२ सय ७८ मेट्रिक टन धानबाली नष्ट,५ करोड ४२ लाख बढीको क्षति

अगेनो न्यूज ःमंसिर १४- दोलखामा गत असोज र कात्तिक महिनामा भएको बेमौसमी वर्षाका कारण ५ करोड ४२ लाख ५५ हजार रुपैयाँ बराबरको धानबालीमा क्षति पुगेको छ । वर्षाका कारण जिल्लाको भीमेश्वर नगरपालिका र गौरीशंकर गाउँपालिकामा २ हजार २ सय ७८ मेट्रिक टन धानबाली नष्ट हुदाँ ५ करोड ४२ लाख ५५ हजार रुपैयाँको क्षति भएको कृषि विकास कार्यालय रामेछापका बागवानी विकास अधिकृत उपेन्द्र चौधरीले जानकारी दिनुभयो । उहाँका अनुसार जिल्लाको भीमेश्वर नगरपालिकामा मात्रै २ हजार १ सय २६ मेट्रिक टन धानबाली नष्टहुदाँ ५ करोड ३१ लाख रुपैयाँ बराबरको क्षति भएको छ भने जिल्लाको गौरीशंकर गाउँपालिकामा १ सय ५१ मेट्रिक टन धानबाली नष्टहुदाँ ९ लाख १६ हजार रुपैयाँको क्षति भएको हो । त्यसैगरी गौरीशंकर  गाउँपालिकामा ४५ मेट्रिक टन कोदो नष्टहुदाँ २ लाख २९ हजार रुपैयाँ बराबरको क्षति भएको छ । कृषि विकास कार्यालय रामेछापले जिल्लाका ९ वटा नै पालिकाहरुलाई गत असोज र कात्तिक महिनामा भएको बेमौसमी वर्षाका कारण धानवालीमा पुगेको क्षतिको वितरण पठाउन अनुरोध गरेकोमा जिल्लाका ७वटा पालिकाले धानवालीमा क्षति नपुगेको विवरण कार्यालयमा पठाएको बागवानी विकास अधिकृत चौधरीले बताउनुभयो ।