दोलखामा अन्तरपालिका स्तरीय असल अभ्यास आदान–प्रदान कार्यक्रम हुने

अगेनो न्यूज ःकात्तिक २५-दोलखाको सदरमुकाम चरिकोटमा अन्तरपालिका स्तरीय असल अभ्यास आदान–प्रदान कार्यक्रम हुने भएको छ ।  दोलखाको भीमेश्वर नगरपालिकाको आयोजनामा अस्ट्रेलियन सरकार र द एशिया फाउण्डेशनको सहयोगमा“स्थानीय सरकार सशक्तीकरण कार्यक्रम अन्तर्गत कात्तिक २७ र २८गते अन्तरपालिका स्तरीय असल अभ्यास आदान–प्रदान कार्यक्रम हुने भएको भीमेश्वर नगरपालिकाका मेयर ईश्वरनारायण मानन्धरले आज पत्रकार सम्मेलन मार्फत जानकारी गराउनु भएको हो । कार्यक्रममा दोलखाका ९ वटा पालिकाका प्रमुख तथा उपप्रमुख सहित कोशी प्रदेशको दमक नगरपालिका,मधेशको मिथिला नगरपालिका,गण्डकीको वालिङ नगरपालिका र गल्याङ नगरपालिका,लुम्बिनीको तानसेन नगरपालिका,कर्णालीको विरेन्द्र नगरपालिका र सुदुरपश्चिम प्रदेशको टोकापुर नगरपालिका र भजनी नगरपालिकाका प्रमुख तथा उपप्रमुख,प्रमुख प्रशासकीय अधिकृतको सहभागीता हुने भीमेश्वर नगरपालिकाले जनाएको छ । उक्त कार्यक्रमको उद्घाटन बागमती प्रदेशका मुख्यमन्त्री इन्द्रबहादुर बानियाँले गर्नुहुने भएको छ । कार्यक्रमले नीति,योजना, सेवा प्रवाह,स्रोत व्यवस्थापन र सुशासनका असल अभ्यास आदान–प्रदानमा योगदान पु¥याउने अपेक्षा गरिएको भीमेश्वर नगरपालिकाले जनाएको छ । कार्यक्रममा जिल्लाका स्थानीय तहहरुले गरेको उत्कृष्ट कार्यहरुको बारेमा जानकारी गराईने र स्थलगत अवलोक समेत गराईने नगरपालिकाले जनाएको छ । पत्रकार सम्मेलनमा नगरपालिकाका उपप्रमुख कमला बस्नेत,प्रवक्ता एंव वडा नम्वर ४का वडा अध्यक्ष लगायतका जनप्रतिनीधी सहित कर्मचारी र पत्रकारहरुको सहभागीता रहेको थियो ।