Sunday, November 30, 2025

न्युजिल्यान्ड पठाइदिन्छु भन्दै १४ लाख ठगी गर्ने दोलखाका एकजना पक्राउ


अगेनो न्यूज ःकात्तिक २६- वैदेशिक रोजगारीका लागि न्युजिल्यान्ड पठाइदिन्छु भन्दै रकम ठगी गरेको अभियोगमा दोलखाका एकजना पक्राउ पर्नुभएको छ । पक्राउ पर्नेमा काठमाडौं महानगरपालिका वडा नम्वर ३२ बस्ने दोलखाको भीमेश्वर नगरपालिका वडा नम्वर ८ घर भएका ४५ वर्षीय पुरुषोत्तम भण्डारी रहनु भएको छ । भण्डारीले न्युजिल्यान्ड पठाइदिन्छु भन्दै एकजना पीडितबाट १४लाख रुपैयाँ लिई सम्पर्कविहीन भएको प्रहरीले जनाएको छ । सम्पर्कविहीन भएपछि पीडितले दिएको उजुरीका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले  भण्डारीलाई पक्राउ गरेको हो । उहाँलाई आवश्यक अनुसन्धान तथा कारबाहीका लागि वैदेशिक रोजगार विभाग काठमाडौं पठाइएको छ । 


Super Admin

agenonews

Please Login to comment in the post!

you may also like