दोलखामा माध्यमिक विद्यालय स्तरीय वक्तृत्वकला प्रतियोगीता सम्पन्न

अगेनो न्यूज ःमंसिर १२- दोलखाको भीमेश्वर नगरपालिका वडा नम्वर २ मा रहेको भीम माध्यमिक  विद्यालयमा महिला हिंसा अन्त्यका लागि सरोकारवालाको भुमीका विषयक मावि स्तरीय वक्तृत्वकला प्रतियोगीता सम्पन्न भएको छ । लैंगिक हिंसा विरुद्धको १६ दिने अभियान अन्तरगत नेपाल राष्ट्रिय शिक्षक संगठन भीमेश्वर नगर समिति दोलखाको आयोजनामा  भएको  प्रतियोगीतामा मोडर्न नेपाल बोडिङ स्कुलका कुसुम थपलिया प्रथम,राइजिङ बोडिङ स्कुलका मीमांसा न्यौपाने द्धितिय,अल्पाइन बोडिङ स्कुलका क्रिष्टिना चौलागाइँ तृतिय र त्रिपुरा ग्लोरीयस बोडिङ स्कुलका नन्दिना केसी चौथौ हुनुभएको नेपाल राष्ट्रिय शिक्षक संगठन भीमेश्वर नगर समिति दोलखाका सचिव सुर्य चौलागाईले जानकारी दिनुभयो । उहाँका अनुसार विजयी प्रतियोगीहरुलाई शैक्षिक सामग्री प्रदान गरिएको थियो । प्रतियोगीतामा भीमेश्वर नगरपालिकामा रहेका १४ वटा  माध्यामिक विद्यालयका विद्यार्थीहरुको सहभागीता रहेको थियो । नेपाल राष्ट्रिय शिक्षक संगठन भीमेश्वर नगर समिति दोलखाका अध्यक्ष अञ्जना सुवेदीको अध्यक्षतामा भएको कार्यक्रममा,नेपाल राष्ट्रिय शिक्षक संगठन दोलखाका अध्यक्ष किशोर दाहाल र भीम माध्यामिक विद्यालयका प्रधानाध्यापक शेषनाथ आर्चाय लगायतले मन्तव्य व्यक्तगर्र्नु भएको थियो ।