- by agenonews
- Jun 19, 2025
अगेनो न्यूज ःमंसिर १२- दोलखाको भीमेश्वर नगरपालिकाका निर्वाचित दलित महिला वडा सदस्यहरुका लागि एक दिने नेतृत्व विकास सम्वन्धी तालिम आज सम्पन्न भएको छ । स्थानीय सरकार सवलीकरण परियोजना अन्तरगत दलित महिला केन्द्र नेपालको आयोज र द एसिया फाउन्डेसनकोप्राविधिक सहयोगमा र भीमेश्वर नगरपालिकाको समनवयमा भएको तालिममा भीमेश्वर नगरपालिकाका भित्रका निर्वाचित दलित महिला वडा सदस्यहरुको सहभागीता रहेको थियो । तालिमका सहभागीहरुलाई तामाकोशी गाउँपालिकाका उपाध्यक्ष सिर्जना सुवेदीले सहजीकरण गर्नुभएको थियो । लैंगिकहिंसा न्युनीकरणका लागि दलित महिला वडा सदस्यको भुमीकालाई सुदुढ बनाउने उद्धेश्यले तालिमको आयोजना गरिएको हो । दलित महिला केन्द्रले जिल्लाको भीमेश्वर नगरपालिकामा निर्वाचित महिला सदस्यहरुको क्षमता अभिबृद्धिका लागि नियमित मेन्टरसिप कार्यक्रम सञ्चालन गरिरहेको छ ।