नेकपा एमाले दोलखाले कात्तिक २९ गते जिल्ला स्तरीय बृहत जनसभा गर्ने

अगेनो न्यूज ःकात्तिक २६-नेकपा एमाले दोलखाले कात्तिक २९गते जिल्ला स्तरीय बृहत जनसभा गर्ने भएको छ । संसद् पुर्नस्थापना,संविधानको रक्षा र असंवैधानिक सरकार खारेजीको माग गर्दै जिल्लाको सदरमुकाम चरिकोटमा प्रदर्शन गर्न लागिएको एमाले दोलखाका अध्यक्ष नर बहादुर श्रेष्ठले जानकारी दिनुभयो । जेनजीहरुको प्रर्दशनको  क्रममा अपराधिक र अराजक गतिविधिमा संलग्नहरुलाई कारबाही,संसद् पुर्नस्थापना लागि दवाव दिन, प्रतिगामी षड्यन्त्रका विरुद्ध जिल्लाव्यापी बृहत जनसभा कार्यक्रम आयोजना गर्न लागिएको उहाँले बताउनुभयो । पार्टीको केन्द्रीय कमिटीको निर्णय अनुसार जिल्लाका ७४ वटा नै वडामा वडास्तरीय जनभेला र जिल्लका ९ वटा नै पालिकामा पालिका स्तरीय जनप्रदर्शन,अगुवा भेला कार्यक्रम गरि सकिएसँगै कात्तिक २९ गते जिल्ला स्तरिय बृहत जनसभा गर्न लागिएको हो । जनसभामा,केन्द्रिय कमीटी नेता,प्रदेश कमीटीका सदस्यहरु,जिल्ला कमीटीका नेता तथा कार्यकर्ता सहित मातहत कमिटी,जनसंगठन साथै सम्पूर्ण नेता कार्यकर्ता र शुभेच्छु,समर्थक जनताहरुको  सहभागीहुने नेकपा एमाले दोलखाले जनाएको छ ।